ISBN:9789888337130
作者:少少肥
内容概要
少少肥，高登網路紅人。「完故」後仍有無數粉絲開Post「續故」，跪求外傳、番外篇、平行時空；更有巴打絲打改編歌詞創作主題曲、自作外傳，在高登風頭一時無兩。
作者简介
“「老實講，我去自修室，唔係去溫書，係去溝女。」肥鈞好坦白。
「溝女…?」
「呀楠，中學時代唔溝女，你呢一世都會後悔，呢樣野係我阿哥話我知嘅。」
我識肥鈞阿哥，師兄嚟，佢依家讀緊大學，好似仲未拍過拖。
「我唔想當我第日大個諗返起自己中學嘅日子，淨係得打機；我想轟轟烈烈咁溝一次女。」
我聽到打咗個冷震，估唔到平時唔多講嘢既肥鈞今日竟然會講呢啲溝女宣言。睇黎肥鈞真係大個 仔，青春期。
「而且，我已經搵到鍾意嘅人，所以我先咁決斷戒打機，去自修室。」
肥鈞眼望住車窗外面，十足十鐵窗邊緣嗰啲剖白咁。
「好，我支持你。」既然佢已經心意已決，做兄弟嘅一定支持。
「阿楠，你都要。」肥鈞拍拍我膊頭，幽怨嘅眼神搞到我唔敢直視佢。
「乜自修室真係咁多女溝咩？」
「你去到就明。」
話口未完，車就到站，肥鈞帶我嚟到一間灣仔嘅自修室……
每個人的學生時代，都會有幾個難忘的片段，或愛情、或友情、或親情……尤其是中學最後的日子，公開考試壓力之大，真是「有苦自己知」；正因為有這些苦，當中的樂才可堪回味。高登人氣網絡小說《自修室‧學界嘅蘭桂坊》，三女 x 兩男 x 一個神秘司機 = 一個有血有肉有笑點的愛情故事。
青春就是要烙下回憶。
《自修室‧學界嘅蘭桂坊》特別收錄從未曝光的20,000字後記。